കോഴിക്കോട്:വാഹന പരിശോധനക്കിടെ പൊലീസുകാരനെ വാഹനം ഇടിപ്പിച്ച് പരിക്കേൽപ്പിച്ച ശേഷം രക്ഷപ്പെടാൻ ശ്രമിച്ച യുവാവ് പിടിയിൽ. കോഴിക്കോട് ഫ്രാൻസിസ് റോഡ് സ്വദേശി മിക്ദാദ് മുഹമ്മദ്(28) ആണ് അറസ്റ്റിലായത്. നടക്കാവ് സ്റ്റേഷനിലെ പൊലീസുകാരനെയാണ് ഇയാൾ അപായപ്പെടുത്താൻ ശ്രമിച്ചത്. തിങ്കളാഴ്ച വൈകീട്ടോടെയായിരുന്നു സംഭവം.
കാലിക്കറ്റ് ട്രേഡ് സെൻ്ററിന് സമീപം സംശയാസ്പദമായ സാഹചര്യത്തിൽ കാർ കണ്ട് പൊലീസ് പരിശോധിക്കാൻ ശ്രമിക്കുമ്പോഴാണ് ആക്രമണം നടന്നത്. കാറിൽ മിക്ദാദ് ആണ് ഉണ്ടായിരുന്നത്. പൊലീസ് പരിശോധിക്കാനെത്തുന്നത് കണ്ട് ഇയാൾ വാഹനം മുന്നോട്ടെടുക്കുകയും കൈ കാണിച്ച പൊലീസുകാരന്റെ കൈയ്യിൽ ഇടിച്ച ശേഷം കടന്നുകളയാൻ ശ്രമിക്കുകയുമായിരുന്നു. നടക്കാവ് പൊലീസ് അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാന്റ് ചെയ്തു.
Kozhikode native arrested trying escape hitting policeman with vehicle during vehicle inspection
.jpg)
